ცაგერის მუნიციპალიტეტში უფასო სკრინინგული კვლევები ჩატარდა

4-5 სექტემბერს, ქალაქ ცაგერში, დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებით, რაჭა-ლეჩხუმ ქვემო სვანეთის და ცაგერის მუნიციპალიტეტის მხარდაჭერით, გაიმართა კიბოს სკრინინგის უფასო აქცია.

აქციის მიმდინარეობას ადგილზე გაეცნენ რაჭა-ლეჩხუმ-ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე და ცაგერის მუნიციპალიტეტის მერის მოვალეობის შემსრულებელი რევაზ ახვლედიანი.

ძუძუს კიბოს სკრინინგი ჩატარდა 40-70 წლის ქალბატონებისთვის, საშვილოსნოს ყელის სკრინინგი 25-60 წლის ქალბატონებისთვის. გარდა ამისა 50-70 წლის ორივე სქესის წარმომადგენლისათვის ჩატარდა სხვადასხვა სახის მნიშვნელოვანი გამოკვლევები.

„კიბოს სკრინინგის“ კომპონენტის მიზანია, კიბოს პრევენციისთვის სკრინინგული კვლევების ჩატარება საქართველოს რეგიონების მიზნობრივ მოსახლეობაში.

მსგავსი ტიპის აქციები, რაჭა-ლეჩხუმ-ქვემო სვანეთის სახელმწიფო რწმუნებულის ადმინისტრაციისა და ცაგერის  მუნიციპალიტეტის მერიის მხარდაჭერით, რეგულარულად იმართება.