მძღოლი დაჯარიმდება 100, 200 და 300 ლარით, ასევე დააკლდება ქულები - რეგულაციის დეტალები
1794996190
თელავში, ჩოხელისა და ბახტრიონის ქუჩების კვეთაზე, ახლადრეაბილიტირებულ ბაღში, ბავშვების სათამაშო ინფრასტრუქტურა და სათვალთვალო კამერები მწყობრიდან გამოიყვანეს.
ადგილობრივების ინფორმაციით, სკვერი, სავარაუდოდ,
მიზანმიმართულად გააფუჭეს .
,,ეს ბაღი, ცოტა ხნის წინ გააკეთეს. ბავშვებისთვის სათამაშო სივრცე მოაწყვეს და პერიმეტრზე კამერებიც იყო დამონტაჟებული. ვიღაც სპეციალურად თუ არ მივიდა და არ გააფუჭა, კამერა მაინც როგორ დაზიანდა თავისით. უნდა გამოავლინონ და დააჯარიმონ, სხვამ რომ ვეღარ გაბედოს“, - ამბობენ თელავში.
თელავის მუნიციპალიტეტის მერიაში განმარტავენ, რომ დაზიანება სკვერის ინფრასტრუქტურას, ჯერჯერობით დაუდგენელმა პირებმა მიაყენეს და გამოვლენის შემთხვევაში, ადგილობრივი თვითმმართველობა შესაბამის ღონისძიებებს განახორციელებს.