ბათუმის ბულვარს ქანდაკება „ფერია“ განახლებული სახით დაუბრუნდა

ბათუმში, ცენტრალური შადრევნის გასწვრივ მდებარე ქანდაკება „ფერია“ განახლებული სახით დაუბრუნდა ბულვარს.

დროთა განმავლობაში სკულპტურის ფერთა გამა ზღვისპირა კლიმატისა და გარემო პირობების გამო შეიცვალა და უსახური გახდა. რესტავრაციის შედეგად მას დაუბრუნდა პირვანდელი სახე.

„ფერია“ (ე.წ. „ქალი პეპელა“ ) 2005 წლიდან ამშვენებს ბათუმის ბულვარს და ხიბლავს მის ვიზიტორებს.