სანამ პარლამენტში არ გიშვებდით, იქნებ ფული გააკეთეო - ზურაბ ჯაფარიძე დააჯარიმეს

პარტია „გირჩი - მეტი თავისუფლების“ თავმჯდომარე ზურაბ ჯაფარიძე დეკლარაციის წარუდგენლობისთვის დააჯარიმეს.

ინფორმაციას ამის შესახებ სოციალურ ქსელში თავადვე ავრცელებს.

„ჯერ შენ ვინ გეკითხება, პარლამენტში უნდა იყოო. მერე, ოკ, არ გინდა და ნუ გინდაო. მერე, სანამ არ გიშვებდით და ფორმალურად აქ იყავი, იქნებ ფული გააკეთე, დეკლარაცია გვანახეო. ახლა, რადგან არ გვანახე, 1,000 ლარი გადაიხადე და ისე გვანახე, თორემ სისხლის სამართლის პასუხისგებაში მიგცემთო. ამ სისხლის სამართლის საქმის ბოლო - მანდატის გაუქმებაა, რომელიც ისედაც აღარ მაქვს. პ.ს. ლარი არ ამიღია ხელფასი ამ მოწვევის პარლამენტში,“ - წერს ზურაბ ჯაფარიძე.