სააკაშვილის მხარდამჭერების აქცია „ქართული ოცნების“ ცენტრალურ ოფისთან

„ნაციონალური მოძრაობის“ წევრები და მიხეილ სააკაშვილის მხარდამჭერები ქართული ოცნების ცენტრალურ ოფისთან საპროტესტო აქციას მართავენ.

აქციის ორგანიზატორების თქმით, პროტესტი გაგრძელდება ვიდრე მიხეილ სააკაშვილს სამკურნალოდ გამგზავრების შესაძლებლობა არ მიეცემა. აქციის მონაწილეებმა მიხეილ სააკაშვილის მხარდამჭერი პლაკატები გაშალეს, წარწერით „თავისუფლება მიშას". აქტივისტებიაცხადებენ, რომ საპროტესტო აქციები ყოველდღიურ რეჟიმში გაგრძელდება.

ადგილზე პოლიციაა მობილიზებული.

„ნაციონალურმა მოძრაობამ“ პროტესტის უწყვეტი ტალღა მას შემდეგ დააანონსა, რაც სასამართლომ საქართველოს მესამე პრეზიდენტისთვის სასჯელის გაუქმებაზე ან გადავადებაზე უარი თქვა.