პრემიერი: ადამიანები გასწირეს ციხისთვის, ძირითადად რიგითი აქტივისტები, თუმცა ლიდერებიც. ზოგი მიმალულია, ზოგი გაურბის პასუხისმგებლობის აღებას და ზოგი საერთოდ დასასვენებლად წავიდა, ისინი არიან უცხოელი აგენტები - მორალი არ აქვთ

ადამიანები გასწირეს ციხისთვის, ძირითადად რიგითი აქტივისტები, თუმცა არამხოლოდ, ლიდერებიც და ახლა ზოგი მიმალულია, ზოგი გაურბის პასუხისმგებლობის აღებას იმ აქციაზე, რომლის დაანონსების თანამონაწილეებიც იყვნენ და ზოგი საერთოდ დასასვენებლად წავიდა, - განუცხადა პრემიერ-მინისტრმა ჟურნალისტებს გურჯაანში სოფო ჯაფარიძის საზღვარგარეთ გამგზავრებასთან დაკავშირებით.

მისივე თქმით, ესეც მეტყველებს რადიკალი ოპოზიციონერების სახეზე.

„ისინი არიან უცხოელი აგენტები, შესაბამისად, მორალი არ აქვთ, ერთადერთი, რითაც მოქმედებენ, ეს არის გარე დავალებები და გარე პატრონის კარნახი“, - განაცხადა ირაკლი კობახიძემ.