მზად ვართ, ახალი ფურცლიდან დავიწყოთ სტრატეგიული ურთიერთობები აშშ-სთან და ეს ვაქციოთ ნამდვილ სტრატეგიულ ურთიერთობად - ჩვენ გვინდა ის, რაც გააფუჭა ბაიდენის ადმინისტრაციამ გამოსწორდეს - შალვა პაპუაშვილი

შალვა პაპუაშვილი

მზად ვართ ახალი ფურცლიდან დავიწყოთ სტრატეგიული ურთიერთობები აშშ-სთან და ეს ვაქციოთ ნამდვილ სტრატეგიულ ურთიერთობად - ჩვენ გვინდა ის, რაც გააფუჭა ბაიდენის ადმინისტრაციამ გამოსწორდეს, - განაცხადა პარლამენტის თავმჯდომარე შალვა პაპუაშვილმა ჟურნალისტის კითხვის პასუხად.

როგორც შალვა პაპუაშვილმა აღნიშნა, წინა ადმინისტრაცია ერთის მხრივ სარგებლობდა იმით, რომ საქართველოს ხელისუფლება ყველანაირად გვერდში ედგა ამერიკის ხალხს და მეორე ხელით ცდილობდა ხელისუფლების შეცვლას საქართველოში.

"არაერთხელ გვითქვამს, რომ მზად ვართ ახალი ფურცლიდან დავიწყოთ სტრატეგიული ურთიერთობები აშშ-სთან და ეს ვაქციოთ ნამდვილ სტრატეგიულ ურთიერთობად და არა იმ ფარისევლობად, რომელსაც ბაიდენის ადმინისტრაცია ჩვენ გვაჩვენებდა. წინა ადმინისტრაცია ერთის მხრივ სარგებლობდა იმით, რომ საქართველოს ხელისუფლება ყველანაირად გვერდში ედგა ამერიკის ხალხს და ხელისუფლებას და მეორე ხელით ცდილობდა ხელისუფლების შეცვლას საქართველოში. ეს თავად ამერიკის შეერთებული შტატების ახალმა ადმინისტრაციამ ამხილა. ყველა დაფინანსება საბოლოო ჯამში მიმართული იყო საქართველოს ხელისუფლებისთვის ძირის გამოთხრის და ქართული საზოგადოების დაზიანებისკენ. ჩვენ გვინდა ის, რაც გააფუჭა ბაიდენის ადმინისტრაციამ რომ გამოსწორდეს. ამასთან დაკავშირებით ახალ ადმინისტრაციასთან არაერთხელ გვქონია კომუნიკაცია და იცის რა არის გასაკეთებელი იმისთვის, რომ ურთიერთობები დაბრუნდეს იმ კალაპოტში, რაც მანამდე იყო", - განაცხადა შალვა პაპუაშვილმა.