მიხეილ სააკაშვილის ჯანმრთელობის შესახებ დოკუმენტი დღეს გასაჯაროვდება

რა სახის შემოწმება ჩაუტარეს ექსპრეზიდენტს „ვივამედში“ და რა აჩვენა კვლევამ - დოკუმენტი მიხეილ სააკაშვილის ჯანმრთელობის შესახებ დღეს გასაჯაროვდება.

ამას გარდა, დღესვე იგეგმება სააკაშვილის პირადი ექიმის შეხვედრა „ვივამედის“ კლინიკის ექიმებთან.

„ნაციონალური მოძრაობა“ პატიმრის საზღვარგარეთ გადაყვანას მისი განკურნების ერთადერთ გზად მიიჩნევს​. მმართველ გუნდში კი ფიქრობენ, რომ ეს პოლიტიკური პროვოკაციაა, რადგან, მათი განმარტებით, საქართველოს ჯანდაცვის სისტემა მსგავს გამოწვევებთან გასამკლავებლად მზადაა.

ყოფილი პრეზიდენტი, მსჯავრდადებული მიხეილ სააკაშვილი კლინიკა „ვივამედში“ 12 მაისს გადაიყვანეს.