„ხვალ მეც ევროპის მოედანზე ვიქნები" - გერმანიის ელჩი ზურაბიშვილის მიერ დაანონსებულ აქციას უერთდება

საქართველოში გერმანიის ელჩი ჰუბერტ ქნირში პრეზიდენტის, სალომე ზურაბიშვილის განცხადებას ეხმაურება და ამბობს, რომ 16 ივნისს ევროპის მოედანზე დაგეგმილ აქციას შეუერთდება. ამის შესახებ ინფორმაციას გერმანიის საელჩო ავრცელებს.

„საქართველოს პრეზიდენტმა ქალბატონმა სალომე ზურაბიშვილმა ხვალ, 16 ივნისს, 19 საათზე მოსახლეობა მიიწვია ევროპის მოედანზე საქართველოს ევროპული მომავლის მხარდასაჭერად. აღსანიშნავია, როდესაც სახელმწიფოს მეთაური თავის მოქალაქეებს მოუწოდებს, საჯაროდ გამოხატონ თავიანთი პოზიცია ევროპის მიმართ. ხვალ მეც ევროპის მოედანზე ვიქნები, რათა გავხდე ან ნების გამოხატვის მოწმე“, - წერს ჰუბერტ ქნირში.