გივი მიქანაძე ევროპის საბჭოს სადამკვირვებლო მისიის ფარგლებში, ბულგარეთში საპარლამენტო არჩევნების სადამკვირვებლო მისიით იმყოფება

ევროპის საბჭოში საქართველოს პარლამენტის მუდმივმოქმედი დელეგაციის წევრი, დეპუტატი გივი მიქანაძე, ბულგარეთში დღეს მიმდინარე საპარლამენტო არჩევნებში საერთაშორისო დამკვირვებლის სტატუსით მონაწილეობს.

დეპუტატი ბულგარეთში ევროპის საბჭოს საპარლამენტო ასამბლეის სადამკვირვებლო მისიის ფარგლებში იმყოფება.

გივი მიქანაძე მალტელ კოლეგასთან ერთად სადამკვირვებლო მისიას სოფიას შემოგარენში, ქალაქ პერნიკსა და ქალაქ კიუსტენდილში და მიმდებარე დასახლებული პუნქტების საარჩევნო უბნებში ახორციელებს.