ძალადობის მსხვერპლ ქალებს სახალხო დამცველი სოლიდარობას უცხადებს

ძალადობის მსხვერპლ ქალებს სოლიდარობას უცხადებს სახალხო დამცველი. ლევან იოსელიანის თქმით, ომბუდსმენის აპარატი მათი საქმეების შესწავლას განაგრძობს და უარყოფს ინფორმაციას, თითქოს კონკრეტული პირების მიმართვას ელოდებიან.

სახალხო დამცველი ამბობს, რომ დანაშაულის შემთხვევაში საქმით შესაბამისი ორგანოები უნდა დაინტერესდნენ.

"სოლიდარობა გამოვხატეთ ძალადობის მსხვერპლი ქალების მიმართ. სახალხო დამცველის აპარატი ყველაფერს აკეთებს იმისთვის, რომ მათ საქმეების შესწავლა დღესაც მიმდინარეობს. ინტერპრეტაცია იმის შესახებ, თითქოს ვინმეს მომართვას ველოდებით, ეს ასე ნამდვილად არ არის,"- აცხადებს იოსელიანი.