აშშ-ის სახელმწიფო მდივნის მოადგილემ უკრაინის, მოლდოვისა და საქართველოს ევროატლანტიკური მისწრაფებების მიმართ მხარდაჭერა გამოხატა

ამერიკის შეერთებული შტატების სახელმწიფო მდივნის მოადგილემ, ევროკავშირის საგარეო ქმედებათა სამსახურის გენერალურ მდივანთან საუბრისას უკრაინის, მოლდოვისა და საქართველოს ევროატლანტიკური მისწრაფებების მიმართ მხარდაჭერა გამოხატა. ამის შესახებ ნათქვამია სახელმწიფო დეპარტამენტის მიერ გავრცელებულ განცხადებაში.

რომლის თანახმად მხარეებმა ხაზი გაუსვეს უკრაინაში მიმდინარე არაპროვოცირებული ომის საკითხს და განიხილეს უკრაინის ეკონომიკური და ფინანსური მდგრადობის გასაძლიერებლად მათი ძალისხმევის პერსპექტივები.