ზელენსკი: რუსი ოკუპანტები ვერ დაგვიპყრობენ. მათ ასეთი ძალა, ასეთი სულისკვეთება არ აქვთ

უკრაინის პრეზიდენტმა, ვოლოდიმირ ზელენსკიმ მორიგი ვიდეომიმართვა გაავრცელა და მოსახლეობას მიმართა.

„რუსი ოკუპანტები ვერ დაგვიპყრობენ. მათ ასეთი ძალა, ასეთი სულისკვეთება არ აქვთ. დღეს ისინი მხოლოდ ძალადობას ებღაუჭებიან, მხოლოდ ტერორს, მხოლოდ იარაღს, რომელიც მათ ბევრი აქვთ, მაგრამ დამპყრობლებს არ აქვთ ნორმალური ცხოვრების ბუნებრივი საფუძველი, რათა ადამიანებმა თავი ბედნიერად იგრძნონ და იოცნებონ. მათ ორგანულად არ შეუძლიათ ცხოვრების ნორმალურად ქცევა! როცა რუსეთი უცხო მიწაზეა, ოცნებები შეუძლებელია“, - განაცხადა ვოლოდიმირ ზელენსკიმ.