ზელენსკი: ევროკავშირში სანქციების მეექვსე პაკეტზე მუშაობა მიმდინარეობს

უკრაინის პრეზიდენტის თქმით, საერთაშორისო პარტნიორებს სულ უფრო უკეთ ესმით, რა და როდის სჭირდება უკრაინას რუსი ოკუპანტებისგან თავის დასაცავად.

„ევროკავშირში სანქციების მეექვსე პაკეტზე მუშაობა მიმდინარეობს. ეს დღეს შარლ მიშელთან განვიხილეთ. მუშაობა იმაზე, რომ რუსეთის სამხედრო მანქანისა და მთლიანად რუსეთის სახელმწიფოსთვის ის ნამდვილად მტკივნეული იყოს.  სანქციები საჭიროა არა როგორც მიზანი, არამედ როგორც პრაქტიკული ინსტრუმენტი, რომელიც რუსეთს მშვიდობისკენ უბიძგებს“, – განაცხადა ზელენსკიმ.