უკრაინამ ოკუპანტების ტყვეობიდან 108 ქალი გაათავისუფლა

ტყვეების მორიგი გაცვლის შედეგად, უკრაინამ ტყვეობიდან 108 ქალი გაათავისუფლა. ინფორმაციას ამის შესახებ უკრაინული მედია ავრცელებს.

„დღეს ტყვეების მორიგი მასშტაბური გაცვლა შედგა. ეს განსაკუთრებით ემოციური იყო. ტყვეობიდან გავათავისუფლეთ 108 ქალი. ეს იყო ქალების პირველი გაცვლა. ტყვეობაში იყვნენ დედები, რომლებსაც შვილები ძალიან ელოდნენ“, - განაცხადა უკრაინის პრეზიდენტის ადმინისტრაციის ხელმძღვანელმა, ანდრეი ერმაკმა.