შვილის გარდაცვალებიდან რამდენიმე დღეში, შინეიდ ო'კონორი საავადმყოფოში გადაიყვანეს

შვილის გარდაცვალებიდან რამდენიმე დღეში, შინეიდ ო'კონორი საავადმყოფოში გადაიყვანეს.

ინფორმაციას ამის შესახებ CNN-ი ავრცელებს. 

გამოცემის ინფორმაციით, მანამდე მომღერალმა Twitter-ზე შემდეგი პოსტი გამოაქვეყნა:

„ვაპირებ, ჩემს შვილთან წავიდე. მის გარეშე სიცოცხლეს არანაირი აზრი არ აქვს. ყველაფერი, რასაც კი ვეხები, ნადგურდება. მე მხოლოდ მის გამო ვრჩებოდი, ახლა კი ისიც აღარაა".

მოგვიანებით კი დაწერა:

„მაპატიეთ. ეს არ უნდა დამეწერა. ახლა პოლიციელებთან ერთად ვარ, რომელთაც საავადმყოფოში მივყავარ. მაპატიეთ, რომ განერვიულეთ“.

შეგახსენებთ, რომ მედიაში გავრცელებული ინფორმაციით, შინეიდ ო'კონორის 17 წლის ვაჟმა სიცოცხლე თვითმკვლელობით დაასრულა.

მომღერალი შვილის სიკვდილში თავს იდანაშაულებს.