შორიდან ყურება არ შემეძლო, უკრაინაში ვარ, მოხალისე მებრძოლთა უცხოურ ლეგიონში - ალეკო ელისაშვილი

დეპუტატი ალეკო ელისაშვილი უკრაინაში იმყოფება, მოხალისე მებრძოლთა უცხოურ ლეგიონში. ამის შესახებ სოციალურ ქსელში ინფორმაციას თავად ავრცელებს.

„არასდროს გულგრილი არ ვყოფილვარ. არ შემეძლო ისე მეცხოვრა, რომ სხვისი დარდი და განსაცდელისთვის თვალი ამერიდებინა. ახლა უკრაინა, ჩვენი ჭირის და ლხინის თანაზიარი უკრაინელები განსაცდელში არიან. იბრძვიან ჩვენი საერთო მტრის წინააღმდეგ. ამ ბრძოლის შორიდან ყურება არ შემეძლო. ამიტომაც აქ ვარ, უკრაინაში. მოხალისე მებრძოლთა უცხოურ ლეგიონში. მტერი უნდა დავამარცხოთ. დიდება უკრაინას! დიდება საქართველოს!“, - წერს დეპუტატი.