„შეაჩერეთ ყოველგვარი ვაჭრობა რუსეთთან“ - ზელენსკი ნიდერლანდების პარლამენტს

უკრაინის პრეზიდენტმა ვოლოდიმირ ზელენსკიმ დღეს ნიდერლანდების პარლამენტს მიმართა. დეპუტატებს მან  რუსეთთან ყოველგვარი ბიზნესის შეწყვეტა და ომის შემდგომ რეკონსტრუქციაში დახმარება სთხოვა.

„საჭიროა უფრო ძლიერი სანქციები, რათა რუსეთს არ ჰქონდეს შანსი, აწარმოოს შემდგომი ომი ევროპაში. შეაჩერეთ ყოველგვარი ვაჭრობა რუსეთთან“, - აღნიშნა უკრაინის პირველმა პირმა.

გარდა ამისა, უკრაინის პრეზიდენტმა ნიდერლანდების პრემიერ-მინისტრ მარკ რუტეს, სთხოვა, მხარი დაუჭიროს უკრაინის ევროკავშირში გაწევრიანების სურვილს.

”ჩვენი წევრობა შენზეა დამოკიდებული, მარკ”, - თქვა მან.