რუსეთმა უკრაინას შეთანხმების პროექტი გადასცა - დიმიტრი პესკოვი

"რუსეთმა უკრაინას შეთანხმების დოკუმენტის პროექტი გადასცა, მაგრამ კიევი არ ჩქარობს რეაგირებას", - ამის შესახებ რუსეთის პრეზიდენტის პრესსპიკერმა დიმიტრი პესკოვმა განაცხადა.

"ჩვენი დოკუმენტის პროექტი გადაეცა უკრაინულ მხარეს, რომელიც შეიცავს აბსოლუტურად მკაფიო ფორმულირებებს. ბურთი მათ მხარესაა, ჩვენ ველოდებით პასუხს", - განაცხადა პესკოვმა.

უკრაინის პრეზიდენტის ოფისის ხელმძღვანელის მრჩეველმა და რუსეთ-უკრაინის მოლაპარაკებებში უკრაინული დელეგაციის წევრმა მიხაილო პოდოლიაკმა გუშინ განაცხადა, რომ რუსეთთან მოლაპარაკებების პროცესი ფაქტობრივად გაყინულია.