პესკოვი: რუსეთი მზად არის, ოფიციალურ კიევთან უკრაინის ნეიტრალურ სტატუსზე მოლაპარაკებები აწარმოოს

რუსეთის პრეზიდენტის ოფიციალური წარმომადგენელი, დიმიტრი პესკოვი აცხადებს, რომ რომ რუსეთი მზად არის, ოფიციალურ კიევთან უკრაინის ნეიტრალურ სტატუსზე მოლაპარაკებები აწარმოოს. ამის შესახებ უცხოური მედია წერს. 

„პრეზიდენტმა პუტინმა ისაუბრა თავის ხედვაზე, თუ რას ველოდებით უკრაინისგან კონცეპტუალური პრობლემების გადაჭრის კუთხით. ეს ნეიტრალური სტატუსია და შეიარაღების განთავსებაზე უარის თქმა. მთავარი კითხვაა, არის თუ არა მზად უკრაინის ხელმძღვანელობა ამისთვის“, - აღნიშნა დიმიტრი პესკოვმა.

შეგახსენებთ, ვლადიმირ პუტინმა უკრაინის წინააღმდეგ, ომი ოფიციალურად გამოაცხადა.