ომის 176-ე დღე - ვითარება უკრაინაში

რუსეთ-უკრაინის ომის დაწყებიდან 176 დღე გავიდა.

რუსეთის სამხედრო ძალებს მასირებული სარაკეტო იერიშები მიაქვთ ხარკოვის, დნეპროპეტროვსკის, მიკოლაევის, სუმისა და დონეცკის დასახლებულ რაიონებზე.

ხარკოვში ოკუპანტებმა საერთო საცხოვრებელი დაბომბეს, რის შედეგადაც 7 ადამიანი დაიღუპა.

რთულია ვითარება ზაპოროჟიეშიც, სადაც ატომური ელექტროსადგურის მიმდებარე ტერიტორია კიდევ ერთხელ დაიბომბა. ტერიტორიას მარტიდან ოკუპანტები აკონტროლებენ.