მძღოლი დაჯარიმდება 100, 200 და 300 ლარით, ასევე დააკლდება ქულები - რეგულაციის დეტალები
1794996190
„ომიკრონის“ რეკორდული სისწრაფით გავრცელების გამო, ევროკავშირის ჯანდაცვის მინისტრები მეოთხე დოზით აცრის საჭიროებაზე მსჯელობენ.
გაერთიანების წევრები, უნგრეთი და დანია, ამ კამპანიის დაწყებას უკვე აანონსებენ. ისრაელი კი პირველი ქვეყანაა, რომელმაც გასულ თვეს მოსახლეობის მეოთხედ აცრა დაიწყო.
ვაქცინაციის ტემპის დასაჩქარებლად ავსტრიამ აცრა უკვე სავალდებულო გახადა. პარლამენტის გადაწყვეტილებით, კანონი ძალაში თებერვლიდან შევა, დაუმორჩილებლობის შემთხვევეში მოქალაქეები დაჯარიმდებიან.
უკვე მერვე დღეა, გერმანიაში ვირუსით ინფიცირების მაჩვენებელი მზარდია. ბოლო 24 საათში ვირუსი 140 ათასზე მეტ ადამიანს დაუდასტურდა.
აშშ-ში „ომიკრონის“ ვარიანტის გავრცელებამ კოვიდტესტებზე მოთხოვნა გაზარდა. ჯო ბაიდენი კრიზისის აღმოსაფხვრელად ოჯახებს უფასო ტესტებს დაურიგებს.