მაკრონი: საფრანგეთი და ევროპა ყველაფერს გააკეთებენ, რათა უკრაინაში ომი შეაჩერონ

საფრანგეთის პრეზიდენტმა, ემანუელ მაკრონმა განაცხადა, რომ მზად არის, გააგრძელოს დიალოგი ვლადიმერ პუტინთან და რომ საფრანგეთი და ევროპა ყველაფერს გააკეთებენ, რათა უკრაინაში ომი შეაჩერონ. ინფორმაციას ამის შესახებ Reuters-ი ავრცელებს.

„არსებობს გაურკვევლობა“, - განუცხადა ემანუელ მაკრონმა ტელეარხ M6-ს და დაასახელა რუსეთის მიერ „მიუღებელი“ იარაღის გამოყენების ან სხვა მეზობელ ქვეყნებზე თავდასხმის შესაძლებლობა.

ბრიუსელში დასავლელი მოკავშირეების უმაღლესი დონის შეხვედრების წინ საფრანგეთის პრეზიდენტმა აღნიშნა: „ჩვენ, ფრანგები და ევროპელები ყველაფერს გავაკეთებთ იმისათვის, რომ ეს ომი შეჩერდეს“.