კულება: . დაეხმარეთ უკრაინას, განაცდევინოს პუტინს მარცხი და თავიდან აიცილებთ უფრო ფართომასშტაბიან ომს

უკრაინის საგარეო საქმეთა მინისტრი, დმიტრო კულება უფრო ფართომასშტაბიანი ომის ასარიდებლად უკრაინისთვის დამატებითი იარაღის მიწოდებას ითხოვს.

„მათთვის, ვისაც საზღვარგარეთ ეშინია, რომ „მესამე მსოფლიო ომში იქნება ჩათრეული“, უკრაინა წარმატებით იბრძვის. ჩვენ გვჭირდება, ბრძოლაში დაგვეხმაროთ. მოგვაწოდეთ ყველა საჭირო იარაღი. დაუწესეთ რუსეთს მეტი სანქცია და მოაქციეთ სრულ იზოლაციაში. დაეხმარეთ უკრაინას, განაცდევინოს პუტინს მარცხი და თავიდან აიცილებთ უფრო ფართომასშტაბიან ომს“, – განაცხადა დმიტრო კულებამ.