ჯანმოს ინფორმაციით, უკრაინაში უკვე ჯანდაცვის 18 დაწესებულება დაბომბეს

ომის დაწყების დღიდან უკრაინაში თავდასხმა ჯანდაცვის 18 დაწესებულებაზე განხორციელდა. ამის შესახებ ჯანმოს გენერალური დირექტორი, ტედრო ადანომ გებრეისუსი აცხადებს.

„დადასტურებული ინფორმაციით განხორციელდა თავდასხმა ჯანდაცვის 18 დაწესებულებაზე. ასევე თავს ესხმოდნენ ჯანდაცვის მუშაკებსა და სასწრაფო დახმარების მანქანებს, რის შედეგადაც გარდაიცვალა 10, ხოლო დაშავდა 16 ადამიანი.“ განაცხადა ტედრო ადანომ გებრეისუსმა.