„დაბრუნდით გამარჯვებულები და ცოცხლები" - ბიბილოვი უკრაინაში სამხედროებს აგზავნის

ოკუპირებული ცხინვალის დე ფაქტო პრეზიდენტი ანატოლი ბიბილოვი აცხადებს, რომ უკრაინაში რუსეთის დასახმარებლად სამხედროებს აგზავნის.

"ჩვენმა სამხედროებმა ძალიან კარგად იციან, რომ მიდიან რუსეთის დასაცავად, მიდიან ოსეთის დასაცავად. დაბრუნდით გამარჯვებულები და ცოცხლები. თუ ფაშიზმს არ ჩავახშობთ ახლა, მომავალში ის საფრთხეს შეუქმნის სამხრეთ ოსეთს", - აღნიშნა ე.წ. პრეზიდენტმა.