ბაიდენმა პუტინთან, უკრაინის გარშემო დაძაბულობის კონტექსტში, ანტირუსული სანქციები ახსენა - პუტინის თანაშემწე

რუსული მედიის ინფორმაციით, ვლადიმერ პუტინის თანაშემწემ იური უშაკოვმა აღნიშნა, რომ რუსეთისა და შეერთებული შტატების პრეზიდენტების ვლადიმერ პუტინისა და ჯო ბაიდენის სატელეფონო საუბარი დაბალანსებული და საქმიანი იყო. 

„აშშ-ის პრეზიდენტმა ჯო ბაიდენმა ვლადიმერ პუტინთან სატელეფონო საუბარში, როგორც მოსალოდნელი იყო, უკრაინის გარშემო არსებული დაძაბული სიტუაციის კონტექსტში ანტირუსული სანქციები ახსენა, თუმცა ამ საკითხზე აქცენტი არ გაკეთებულა. 

განიხილეს უკრაინის თანამედროვე იარაღით მომარაგების საკითხი, რასაც დასავლეთის ქვეყნები მიზანმიმართულად აკეთებენ, რითაც ხელს უწყობენ უკრაინის უსაფრთხოების ძალების მხრიდან შესაძლო პროვოკაციებს, როგორც დონბასთან, ასევე ყირიმთან მიმართებაში,“- აღნიშნა უშაკოვმა.