ყირიმის ხიდზე ძლიერი ხანძარია

ყირიმის ხიდის სარკინიგზო განშტოებაზე დილით ძლიერი ხანძარი გაჩნდა, - ამის შესახებ უკრაინული მედია წერს.

"წინასწარი მონაცემებით, საწვავის ტერმინალი იწვის. ველოდებით ოფიციალურ ინფორმაციას!" - დაწერა ოდესის საოლქო-სამხედრო ადმინისტრაციის ხელმძღვანელმა, სერჰი ბრაჩუკმა სოციალურ ქსელში.

ვიდეოში, რომელიც ინტერნეტში ვრცელდება, ჩანს, რომ ხანძარი ხიდის რკინიგზის ნაწილს მოედო და მნიშვნელოვნად დაზიანდა საავტომობილო გზაც.