უმძიმესი ტრაგედია მალდივებზე - რა ახალ დეტალებზე საუბრობენ

მალდივებზე უმძიმესი ტრაგედია დატრიალდა. რომელიც ქვეყნის ისტორიაში ყველაზე მასშტაბურ დაივინგ-კატასტროფად შეფასდა.

ვაავუს ატოლის წყალქვეშა გამოქვაბულში ხუთი იტალიელი დაიღუპა…მათ შორის გენუის უნივერსიტეტის ეკოლოგიის პროფესორი, მისი 20 წლის ქალიშვილი და საზღვაო ბიოლოგები.

ინსტრუქტორის ცხედარი თავიდანვე შესასვლელთან იპოვეს, დანარჩენი ოთხი კი გამოქვაბულის ყველაზე ღრმა, მესამე სექციაში, დაახლოებით 60 მეტრის სიღრმეზე აღმოაჩინეს (სადაც ტურისტებისთვის ჩასვლა საერთოდ აკრძალულია).

საძიებო ოპერაცია იმდენად რთული და სახიფათო აღმოჩნდა, რომ მალდივის სამხედრო მყვინთავიც დეკომპრესიული დაავადებით დაიღუპა.

ცხედრების ამოსაყვანად ფინეთიდან სპეციალური ექსპერტების ჩაყვანა გახდა საჭირო...

რამ გა­მო­იწ­ვია ტრა­გე­დია? - მთა­ვა­რი ვერ­სი­ე­ბი 

ამ დრო­ის­თვის გა­მო­ძი­ე­ბა მიმ­დი­ნა­რე­ობს, თუმ­ცა ექ­სპერ­ტე­ბი და ახ­ლობ­ლე­ბი რამ­დე­ნი­მე ვერ­სი­ა­ზე სა­უბ­რო­ბენ:

ცუდი ამინ­დი: ტრა­გე­დი­ის წინა დღეს რე­გი­ონ­ში ამინ­დის საფრ­თხის „ყვი­თე­ლი გაფრ­თხი­ლე­ბა“ იყო გა­მო­ცხა­დე­ბუ­ლი და ძლი­ე­რი, სა­ათ­ში 50 კი­ლო­მეტ­რამ­დე სიჩ­ქა­რის ქარი ქრო­და. თუმ­ცა, და­ღუ­პუ­ლი პრო­ფე­სო­რის ქმა­რი აცხა­დებს, რომ მისი ცოლი მსოფ­ლი­ო­ში ერთ-ერთი სა­უ­კე­თე­სო მყვინ­თა­ვი იყო და შვი­ლის სი­ცო­ცხლეს საფრ­თხე­ში გა­აზ­რე­ბუ­ლად არას­დროს ჩა­აგ­დებ­და. მისი აზ­რით, წყლის ქვეშ რა­ღაც გა­უთ­ვა­ლის­წი­ნე­ბე­ლი მოხ­და.