უკრაინის კონფლიქტის მოგვარების მიმართულებით მიღწეულია მნიშვნელოვანი პროგრესი - სტივ უიტკოფი

აშშ-ის პრეზიდენტის სპეციალურმა წარმომადგენელმა, სტივ უიტკოფმა მოსკოვსა და კიევში მისი და ამერიკის ლიდერის სიძის, ჯარედ კუშნერის ვიზიტების შემდეგ განაცხადა, რომ უკრაინის კონფლიქტის მოგვარების მიმართულებით მიმდინარე მოლაპარაკებების პროცესში მნიშვნელოვანი პროგრესია.

„აშშ-ის პრეზიდენტის, დონალდ ტრამპის დავალებით, ამერიკელი მოლაპარაკებების წარმომადგენლები მოსკოვსა და კიევს ეწვივნენ, რათა რუსეთსა და უკრაინას შორის ომის დასრულების მიზნით შემდგომი დიალოგისთვის ხელი შეეწყოთ“, – დაწერა უიტკოფმა სოციალურ ქსელ „იქსში“.

„მიღწეულია მნიშვნელოვანი პროგრესი, მათ შორის დამატებითი სამმხრივი მოლაპარაკებების დაგეგმვის მიმართულებით“, – თქვა უიტკოფმა.

მან ასევე განაცხადა, რომ ტრამპი ძალისხმევას არ იშურებს, რათა „მდგრადი და ხანგრძლივი მშვიდობის“ მიღწევას შეუწყოს ხელი.

აშშ-ის პრეზიდენტის სპეციალურმა წარმომადგენელმა დაადასტურა, რომ მასა და კუშნერთან ერთად რუსეთის პრეზიდენტთან, ვლადიმირ პუტინთან და უკრაინის პრეზიდენტთან, ვოლოდიმირ ზელენსკისთან შეხვედრებში მონაწილეობდნენ თეთრი სახლის ეროვნული უსაფრთხოების საბჭოს, აშშ-ის სახელმწიფო დეპარტამენტისა და ფინანსთა სამინისტროს თანამშრომლები.

უიტკოფის თქმით, კიევში ამერიკულ დელეგაციას შეუერთდნენ დიდი ბრიტანეთის, გერმანიისა და საფრანგეთის ლიდერების ეროვნული უსაფრთხოების საკითხებში მრჩევლები, რათა „შემდგომი ნაბიჯები შეეთანხმებინათ“.