თურქეთში ძლიერი მიწისძვრა მოხდა

თურქეთში, ბურსაში 3.9 მაგნიტუდის სიმძლავრის მიწისძვრა მოხდა, რომელიც სტამბოლსა და იალოვაშიც იგრძნობოდა. ინფორმაციას თურქული მედია ავრცელებს.

თურქეთის საგანგებო სიტუაციებისა და კატასტროფების მართვის სააგენტოს ინფორმაციით, მიწისძვრა ადგილობრივი დროით 11:47 საათზე მოხდა.

ბიძგების ეპიცენტრი 9.82 კილომეტრის სიღრმეზე მდებარეობდა.

ბურსას გუბერნატორის განმარტებით, მიწისძვრას რაიმე დაზიანება არ გამოუწვევია.