„ტერორისტ და მკვლელ ქვეყანას უსაფრთხოების გარანტიები გინდათ მისცეთ?“ - ოლექსი დანილოვი ემანუელ მაკრონს

უკრაინის ეროვნული უშიშროების საბჭოს მდივანი, ოლექსი დანილოვი საფრანგეთის პრეზიდენტის ემანუელ მაკრონის განცხადებას ეხმაურება, რომელმაც თქვა, რომ რუსეთს მომავალ მოლაპარაკებებში „უსაფრთხოების გარანტიები“ უნდა მიეცეს.

„ტერორისტ და მკვლელ ქვეყანას უსაფრთხოების გარანტიები გინდათ მისცეთ? ნიურნბერგის ნაცვლად - რუსეთის ფედერაციასთან შეთანხმების გაფორმება და ხელის ჩამორთმევა? პუტინის ხელებზე უკრაინული სისხლი ბიზნესს არ შეუშლის ხელს, როგორც ყოველთვის? დიპლომატიის უცნაური ლოგიკა, რომლის დროც დასრულდა“, - წერს დანილოვი.