საზარელი ავარია და ხანძარი თურქეთში - გარდაიცვალა 7 და დაშავდა 18 ადამიანი

თურქეთში, თოქათის პროვინციაში საზარელი ავარია მოხდა. ინფორმაციას თურქული მედია ავრცელებს.

გამოცემის ცნობით, სამგზავრო ავტობუსი გზის სავალი ნაწილიდან გადავიდა და ორ სატვირთო ავტომობილს, ჭარხლით დატვირთულს შეეჯახა. შედეგად, დაშავდა 18, ხოლო გარდაიცვალა 7 ადამიანი. დაშავებულებიდან 2 მათგანი მძიმე მდგომარეობაშია და უახლოეს კლინიკებში არიან გადაყვანილები.

არსებული ინფორმაციით, შეჯახების შედეგად გაჩნდა ხანძარი, მეხანძრეებმა კი დიდი ძალისხმევით ჩააქრეს. 

მომხდარზე დაწყებულია გამოძიება.