რუსეთში ნაწილობრივი მობილიზაციის წინააღმდეგ საპროტესტო გამოსვლები დაიწყო

რუსეთის ზოგიერთ ქალაქში ნაწილობრივი მობილიზაციის წინააღმდეგ საპროტესტო გამოსვლები დაიწყო.

ამის შესახებ ინფორმაციას მედია ავრცელებს.

გამოცემა „უოლ სთრით ჯოურნალის“ ჟურნალისტი წერს, რომ აქციები მცირერიცხოვანია.

არსებული ინფორმაციით, პოლიციამ დაარბია დემონსტრანტები ირკუტსკში, ულან-უდეში და ხაბაროვსკში. ირკუტსკში, ცენტრალურ მოედანზე მიტინგზე 60-მდე ადამიანი შეიკრიბა. რამდენიმე ადამიანი დააკავეს ტომსკში. სპეცრაზმია მობილიზებულია ნოვოსიბირკსში.

რუსეთში მომუშავე უფლებადამცველთა მონაცემებით, უკრაინაში ომის დაწყებიდან რუსეთში ომის საწინააღმდეგო აქციებზე 16,5 ათასი ადამიანი დააკავეს.