რუსეთი ვერ გვიკარნახებს, რა სამხედრო დახმარებას გადავცემთ უკრაინას - პენტაგონი

პენტაგონის პრესსპიკერი პეტ რაიდერი აცხადებს, რომ რუსეთი ვერ უკარნახებს შეერთებულ შტატებს რა სამხედრო ტექნიკა გაუგზავნოს უკრაინას.

ბრიფინგზე რაიდერმა აღნიშნა, რომ ირონიას იწვევს ის ფაქტი, რომ რუსეთი იყენებს სიტყვა პროვოკაციას იმ სისტემების  აღსაწერად, რომელთა დანიშნულება სიცოცხლის გადარჩენაა.

„ჩვენ  არ მივცემთ საშუალებას რუსეთს გვიკარნახოს, რა სამხედრო დახმარებას გადავცემთ“, -  აღნიშნა პეტ რაიდერმა.

მისივე თქმით, რუსეთი არის აგრესორი და შეუძლია უკრაინიდან ჯარების გაყვანა, რაც ომს შეაჩერებს.