პუტინის მიზანია ააშენოს ღია ევრაზია, ლისაბონიდან ვლადივოსტოკამდე - მედვედევი

პუტინის მიზანია, საბოლოოდ ააშენოს ღია ევრაზია – ლისაბონიდან ვლადივოსტოკამდე, ამის შესახებ რუსეთის უშიშროების საბჭოს თავმჯდომარის მოადგილე დმიტრი მედვედევი წერს.

ტელეგრამში გავრცელებულ განცხადებაში მედვედევი რუსულ პროპაგანდისტულ გზავნილებს იმეორებს და უკრაინულ მხარეს ყალბი ამბების გავრცელებაში, დასავლეთს კი "ტროლების ქარხნების" მართვაში ადანაშაულებს.

მედვედევი ამბობს, რომ პუტინმა მტკიცედ დაისახა მიზნად უკრაინის დემილიტარიზაცია და დენაციფიკაცია. მისი მიზნებია: უკრაინელების ცნობიერების შეცვლა, მომავალი თაობების მშვიდობა და შესაძლებლობა, რომ საბოლოოდ ააშენონ ღია ევრაზია – ლისაბონიდან ვლადივოსტოკამდე.