ნეთანიაჰუს ოფისის განცხადებით, გაეროს მიერ ღაზის სექტორის ზოგიერთ ნაწილში შიმშილის გამოცხადება სიცრუეა

ისრაელის პრემიერ-მინისტრის, ბენიამინ ნეთანიაჰუს ოფისის განცხადებით, გაეროს მიერ ღაზის სექტორის ზოგიერთ ნაწილში შიმშილის გამოცხადება „სიცრუეა“.

„ისრაელს არ აქვს განზრახული შიმშილის პოლიტიკა, პირიქით, ისრაელი შიმშილის პრევენციას ეწევა. ღაზაში განზრახ შიმშილისთვის მხოლოდ ისრაელელი მძევლები არიან განწირული“, - ნათქვამია პრემიერ-მინისტრის ოფისის განცხადებაში.

განცხადებაში ნათქვამია, რომ გაეროს სურსათის უვნებლობის ინტეგრირებული კლასიფიკაციის (IPC) ანგარიში უგულებელყოფს ისრაელის ჰუმანიტარულ ძალისხმევას და არ ახსენებს ღაზაში ნავთობის, შაქრის, მარილის, ფქვილის, საფუარისა და მუხუდოს ფასების კლებას, რაც პრემიერ-მინისტრის ოფისის თქმით, ჰუმანიტარული დახმარების შესვლამ გამოიწვია.