„ნანგრევებიდან თითქოს ბავშვის ხმა გავიგეთ...“ - მიწისძვრიდან 140 საათის შემდეგ მაშველებმა 7 თვის ჩვილი გადაარჩინეს

ჰატაის პროვინციაში მაშველებმა ნანგრევების ქვეშ ცოცხალი შვიდი თვის ბავშვი იპოვეს. პატარა ჰამზა შენობის ნანგრევების ქვეშ, დაახლოებით 140 საათის განმავლობაში, ანუ თითქმის ექვსი დღე იმტყოფებოდა. ინფორმაციას ადგილობრივი მედია ავრცელებს.

Haberturk-ის ცნობით, ნანგრევების დათვალიერების დროს სამძებრო ჯგუფმა ბავშვის ხმა გაიგო. ნანგრევების დემონტაჟის დროს კი მაშველებმა ნაპრალში მალევე დაინახეს ბავშვი, რომელიც ცოცხალი იყო..