მოლდოვის პრეზიდენტმა ე.წ. დნესტრისპირეთის რესპუბლიკაში მომხდარ ინციდენტებთან დაკავშირებით უშიშროების უმაღლესი საბჭოს სხდომა მოიწვია

მოლდოვის პრეზიდენტი მაია სანდუ თვითგამოცხადებულ დნესტრისპირეთის რესპუბლიკაში მომხდარ ინციდენტებთან დაკავშირებით უშიშროების საბჭოს სხდომას იწვევს.

როგორც პრეზიდენტის ვებგვერდზეა აღნიშნული, საგანგებო სხდომა მოლდოვის დროით, 13:00 საათზე გაიმართება, ხოლო 15:00 საათზე დაგეგმილია პრეზიდენტის პრესკონფერენცია.

შეგახსენებთ, 25 და 26 აპრილს ე.წ. დნესტრისპირეთის რესპუბლიკაში რამდენჯერმე გაისმა აფეთქებებისა და სროლის ხმა. თვითგამოცხადებული დნესტრისპირეთის რესპუბლიკის შინაგან საქმეთა სამინისტროს ინფორმაციით, აფეთქება დილის 06:40 და 07:05 საათზე მოხდა.