მიწისძვრიდან 108-ე საათზე მაშველებმა გადაარჩინეს კაცი, რომელმაც საავადმყოფოში გადაყვანაზე ნანგრევებში დარჩენილი მეუღლის პოვნამდე უარი თქვა

თურქეთში, მიწისძვრიდან 108-ე საათზე მაშველებმა ნანგრევებიდან ამოიყვანეს კაცი, რომელსაც ადგილის დატოვება და მეუღლის გარეშე წასვლა არ უნდოდა.

კაცის შემდეგ მალევე, მაშველებმა მისი მეუღლეც ცოცხალი იპოვეს და ნანგრევებიდან ამოიყვანეს.

შეგახსენებთ, რომ 6 თებერვალს თურქეთში მომხდარი ძლიერი მიწისძვრის შედეგად 20 ათასამდე ადამიანი დაიღუპა, დანგრეულია 6 ათასამდე შენობაც. სტიქიური უბედურების ზონაში 24-საათიანი სამაშველო სამუშაოები მიმდინარეობს.