მღვდელმა იესოს 40-დღიანი მარხვის გამეორება სცადა და შიმშილით გარდაიცვალა

მოზამბიკში მღვდელი მას შემდეგ გარდაიცვალა, რაც ბიბლიაში აღწერილი იესოს მარხვის გამეორება სცადა. ამის შესახებ bbc იტყობინება.

სანტა ტრინიდადის ევანგელისტური ეკლესიის ხელმძღვანელი ფრანსისკო ბარაჯა ქალაქ ბეირას საავადმყოფოში კრიტიკულ მდგომარეობაში შეიყვანეს, მისი გადარჩენა ვეღარ მოხერხდა.

საკვებისა და წყლის გარეშე 25 დღის შემდეგ მან წონაში საგრძნობლად დაიკლო და ფეხზე დგომაც აღარ შეეძლო. სასულიერო პირი 39 წლის იყო.  მღვდელს მწვავე ანემია და შიდა ორგანოების უკმარისობა დაუდგინეს.