კიმ ჩენ ინის 13 წლის ქალიშვილი შესაძლოა ქვეყნის მომავალი ლიდერი გახდეს

ჩრდილოეთ კორეა ერთ-ერთი ყველაზე ჩაკეტილი სახელმწიფოა მსოფლიოში, სადაც პოლიტიკური პროცესებისა და ლიდერების პირადი ცხოვრების შესახებ ინფორმაცია დანარჩენი მსოფლიოსთვის უდიმალებით მოცულია. მიუხედავად ამისა, ბოლო წლებში საერთაშორისო მედიის ყურადღების ცენტრში კიმ ჯონგ უნის ქალიშვილი - კიმ ჯუ ეი მოექცა. ის საჯაროდ სულ უფრო და უფრო ხშირად ჩნდება. სწორედ ეს გახდა საფუძველი ვარაუდისა, რომ შესაძლოა ქვეყნის მომავალი ლიდერი გახდეს.

Sky News-ის ინფორმაციით, სამხრეთ კორეის ეროვნული დაზვერვის სამსახური (NIS) მიიჩნევს, რომ კიმ ჯუ ეი, რომელიც, სავარაუდოდ 13 წლისაა, უკვე მონაწილეობს შიდა პოლიტიკური საკითხების განხილვაში. გასული 1 წლის განმავლობაში მოზარდი სულ უფრო ხშირად ჩნდებოდა საჯაროდ - ის მამასთან ერთად ესწრებოდა ბალისტიკური რაკეტების საცდელ გაშვებებს. ხოლო 2025 წელს, ჩინეთში გამართულ "გამარჯვების დღის" სამხედრო აღლუმზე გამოჩენით, მისი საერთაშორისო დებიუტიც შედგა.

NIS-ის განცხადებით, დაზვერვა დააკვირდება, დაესწრება თუ არა კიმ ჯუ ეი მუშათა პარტიის მომავალ კონგრესს და მიენიჭება თუ არა მას ოფიციალური ტიტული.

სამხრეთ კორეელი პარლამენტარი ლი სონგ-ქვინი ჟურნალისტებთან საუბარში აღნიშნავს, რომ ადრე დაზვერვა კიმ ჯუ ეის აღწერდა, როგორც პიროვნებას, რომელსაც "მემკვიდრედ ამზადებდნენ", თუმცა ახლა ფორმულირება შეიცვალა და საუბარია იმაზე, რომ იგი "შიდა დონეზე უკვე დანიშნულია, როგორ ოფიციალური მემკვიდრე".

თუ კიმ ჯუ ეი მართლაც ქვეყნის ლიდერი გახდება, ეს კიმების დინასტიას მეოთხე თაობამდე გააგრძელებს.