„კარგი ამბებია სამხრეთიდან, უკრაინის დროშები უბრუნდება თავის კუთვნილ ადგილს...“ - ვლადიმერ ზელენსკი

უკრაინის პრეზიდენტმა, ვოლოდიმირ ზელენსკიმ განაცხადა, რომ სამხრეთიდან კარგი ამბები მოდის, უკრაინის დამცველებმა უკვე 41 დასახლებული პუნქტი გაათავისუფლეს.

„დღეს კარგი ამბებია სამხრეთიდან. უკრაინის დროშების რიცხვი, რომლებიც უბრუნდება თავის კუთვნილ ადგილს, მიმდინარე თავდაცვითი ოპერაციის ფარგლებში, უკვე ათეულობით გაიზარდა. გათავისუფლებულია 41 დასახლებული პუნქტი.

მადლობას ვუხდი ყველა ჩვენს გმირს, ვინც უზრუნველყოფს ამ წინსვლას. შეიარაღებული ძალები, დაზვერვა, სპეცსამსახურები - ყველა. მადლობა, ბიჭებო“, - განაცხადა უკრაინის პრეზიდენტმა.