ჯორჯია მელონი ახლო აღმოსავლეთის ქვეყნებში ვიზიტით იმყოფებოდა

იტალიის პრემიერ მინისტრი ახლო აღმოსავლეთის ქვეყნებში ორდღიანი ვიზიტით იმყოფებოდა. ირანის წინააღმდეგ ამერიკა-ისრაელის სამხედრო ოპერაციის დაწყების შემდეგ, ეს სპარსეთის ყურეში ევროპელი ლიდერის პირველი ვიზიტია.

ჯორჯია მელონი, ვიზიტის წინასწარ დაანონსების გარეშე ესტუმრა საუდის არაბეთს, კატარსა და არაბთა გაერთიანებულ საამიროებს. იტალიის პრემიერ-მინისტრმა, ირანის თავდასხმების ფონზე, სამ სახელმწიფოს მხარდაჭერა გამოუცხადა, განიხილა როგორც უსაფრთხოების, ასევე ენერგოუსაფრთხოების საკითხები.