„გაგახაროთ? ქართველს 100 000$-ის გენერატორები დაუკვეთავს, ბევრ უკრაინულ ოჯახში აინთება ნათურა, განათდება საოპერაციოები“ - გიგა მაქარაშვილი

„გავანათოთ კიევი“ - ასე მიმართა რამდენიმე დღის წინ უკრაინელმა ლეგენდარულმა ფეხბურთელმა, ანდრეი შევჩენკომ მსოფლიოს და დღეს ცნობილი გახდა, რომ ერთ-ერთ ქართველს 100 000$-ის გენერატორები დაუკვეთავს.

ინფორმაციას ამის შესახებ სამოქალაქო აქტივისტი გიგა მაქარაშვილი ავრცელებს.

„გაგახაროთ? ამ წამს ვიგებ, რომ ერთ ოქრო ქართველს პირდაპირ მწარმოებლისთვის დაუკვეთავს 100 000$-ის გენერატორები! ძალიან, ძააალიან ბევრ უკრაინულ ოჯახში აინთება ნათურა! ბევრ საავადმყოფოში განათდება საოპერაციოები! ბევრი ბავშვთა სახლი, მოხუცებულთა თავშესაფარი ამოისუნთქებს. ყველაფერი გამოგვივა, ჩემო კარგო ქვეყანავ“- წერს მაქარაშვილი.