Financial Times: ტრამპი ომის შემდგომ უკრაინაში ჩინელი ჯარისკაცების მშვიდობისმყოფელებად გაგზავნის წინადადებით გამოვიდა

დონალდ ტრამპი ომის შემდგომ უკრაინაში ჩინელი ჯარისკაცების მშვიდობისმყოფელებად გაგზავნის წინადადებით გამოვიდა, რითაც მხარი დაუჭირა შეთავაზებას, რომელიც პირველად ვლადიმირ პუტინმა გაჟღერა, - წერს ბრიტანული გამოცემა Financial Times-ი ინფორმირებულ წყაროებზე დაყრდნობით.

წყაროების ცნობით, ტრამპმა გასულ კვირას, თეთრ სახლში ევროპელ ლიდერებთან და უკრაინის პრეზიდენტთან შეხვედრაზე, რუსეთთან სამშვიდობო შეთანხმების ფარგლებში, შესთავაზა ჩინეთის მოწვევა ფრონტის ხაზის გასწვრივ ნეიტრალური ზონის მონიტორინგისთვის.

„ეს სიცრუეა“, - განაცხადა ტრამპის ადმინისტრაციის მაღალჩინოსანმა და დასძინა, რომ „ჩინელ სამშვიდობოებზე მსჯელობა არ ყოფილა“.

ამ იდეის წინააღმდეგ გამოდიან ევროპელები, ხოლო მანამდე ის უარყო უკრაინის პრეზიდენტმა.

რუსეთის წარმომადგენლებმა ჩინეთის სამშვიდობო ძალების იდეა პირველად 2022 წლის გაზაფხულზე, სტამბოლში, რუსეთსა და უკრაინას შორის ადრეული მოლაპარაკებების დროს, უსაფრთხოების გარანტიების ფარგლებში წამოაყენეს.