დონალდ ტრამპი: მალე განვიხილავ გეგმას, რომელიც ირანმა ახლახან გამოგვიგზავნა, თუმცა ვერ წარმომიდგენია, რომ ის მისაღები იყოს

 დონალდ ტრამპის განცხადებით, ირანმა აშშ-ის ახალი გეგმა გაუგზავნა, რომელსაც ის მალე განიხილავს. შესაბამისი განცხადება აშშ-ის პრეზიდენტმა საკუთარ სოციალურ ქსელში Truth Social გამოაქვეყნა.

„მალე განვიხილავ გეგმას, რომელიც ირანმა ახლახან გამოგვიგზავნა, თუმცა ვერ წარმომიდგენია, რომ ის მისაღები იყოს, რადგან მათ ჯერ კიდევ არ გადაუხდიათ საკმარისად მაღალი ფასი იმისთვის, რაც კაცობრიობისა და მსოფლიოს წინაშე ბოლო 47 წლის განმავლობაში ჩაიდინეს. გმადლობთ ყურადღებისთვის“, - წერს ტრამპი.