CNN: ამერიკის მოსახლეობა ბენზინგასამართ სადგურებზე ახლა 50%-ით მეტს იხდის, ვიდრე ირანში ომის დაწყებამდე

ამერიკის ავტომობილების ასოციაციის (AAA) ბოლო მონაცემებით, აშშ-ში ბენზინის ფასმა თითქმის 3 ცენტით მოიმატა და ერთი გალონი (დაახლოებით 3.78 ლიტრი) „რეგულარის“ ტიპის საწვავის საშუალო ფასმა 4.48 დოლარი შეადგინა - ეს მაჩვენებელი გასულ კვირასთან შედარებით 30 ცენტით მეტია, ხოლო ირანთან ომის დაწყების შემდეგ ფასების 50%-იან ზრდას ნიშნავს, - წერს ტელეკომპანია CNN.

საწვავის ფასი ახლა ყველაზე მაღალია 2022 წლის ივლისის შემდეგ, რაც იმავე წლის დასაწყისში რუსეთის უკრაინაში შეჭრას მოჰყვა. მაშინ ფასების მკვეთრმა ნახტომმა რეკორდულ ნიშნულს - 5.02 დოლარს მიაღწია.

კომპანია Gulf Oil-ის მრჩევლის, ტომ კლოზას თქმით, იმის შანსი, რომ ბენზინის ფასი ისევ 5 დოლარს მიუახლოვდეს, დაახლოებით 50/50-ზეა.

„უახლესი ტენდენცია, რასაც ჩვენ ვხედავთ, ფასების მკვეთრი ზრდაა იმ ბაზრებზე, რომლებიც სანაპირო ზოლში არ მდებარეობს“, - განაცხადა კლოზამ.

მისი მოლოდინით, ამ თვეში ბენზინგასამართ სადგურებზე საწვავის ფასი გალონზე 4.75 დოლარს მიაღწევს.