BBC: ტრამპსა და ზელენსკის შორის შეხვედრაზე, ოვალურ კაბინეტში უკრაინის ოკუპირებული ტერიტორიების რუკა გამოფინეს

აშშ-ის პრეზიდენტ დონალდ ტრამპსა და უკრაინის პრეზიდენტ ვოლოდიმირ ზელენსკის შორის გამართულ შეხვედრაზე, ოვალურ კაბინეტში, უკრაინის დიდი რუკა იყო გამოფენილი, - წერს BBC.

რუკაზე, ქვეყნის აღმოსავლეთი ნაწილი, რომელიც რუსეთის სამხედრო ძალების კონტროლქვეშაა, ვარდისფრად იყო მონიშნული, რაც უკრაინის ტერიტორიის დაახლოებით 20%-ს წარმოადგენს.

„აღნიშნული რუკა შეხვედრის მონაწილე უკრაინელი ოფიციალური პირებისთვის თითქმის ოთხწლიანი ომის მძიმე რეალობის შეხსენება იყო. [ოვალური კაბინეტიდან] მედიის გასვლის შემდეგ, ამ რუკის გამოყენებით, შესაძლოა, ტრამპმა ზელენსკისზე ზეწოლა გაზარდოს და მშვიდობის სანაცვლოდ ტერიტორიების დათმობაზე დაითანხმოს“, - აღნიშნავს BBC.