ავღანეთში მიწისძვრის შედეგად დაღუპულთა რიცხვმა 1000-ს გადააჭარბა - „თალიბანი“ დახმარებას ითხოვს

ავღანეთში, რომელიც დამანგრეველი მიწისძვრის შედეგებს ებრძვის, „თალიბანი“ საერთაშორისო დახმარებას ითხოვს. ამის შესახებ BBC-ი წერს. 

ავღანეთი ჰუმანიტარული და ეკონომიკური კრიზისის შუაგულშია. როგორც მაღალჩინოსანი აბდულ ქაჰარ ბალხიმ განაცხადა, მთავრობა „ვერ შეძლებს ხალხის დახმარებას ფინანსურად ისე, როგორც საჭიროა“.

ბოლო მონაცემებით, 6.1 მაგნიტუდის სიმძლავრის მიწისძვრის შედეგად დაღუპულია 1 000-ზე მეტი და დაშავებულია 1 500-მდე ადამიანი.